ታቦት ኪዳን ኣብ ከተማ ኣይንድሆቭን

በስመአብ ወወልድ ወመንፈስ ቅዱስ አሐዱ አምላክ ኣሜን!!!

 

ሰላመ እግዚእብሔር ምስ ኩልና ይኹን እናበልና፡ቅዱስ ኣምላኽና ብዝፈቐዶ መሰረት ብብጹዓን ኣቦታትና ናይ ኤርትራ ኦርቶዶስ ተዋህዶ ቤተ ክርስቲያን ናይ ጻድቅ ኣቡነ ተክለሃይማኖት ታቦት ኣብ ከተማ ኣይንድሆቨን (Eindhoven Nederland) ንቀዳም ዕለት 06-09-2008 ግእዝ 14-05-2016 ፈረንጂ ክኣቱ ምዃኑ እናሓበርና ናይዞም ጻድቕ ኣቦ በረኸት ተኻፈልቲ ክትኮኑ ሕዝቢ ኣይንድሆቨንን ከባቢኣን ንዕድም።

"እቶም ካህናት ሌዋውያን ነቲ ታቦት ኪዳን እግዚኣብሄር ኣምላኽኩም ጾይሮምዎ ምስ ርኤኹም፡ ንስኻትኩም ድማ ካብ ሰፈርኩም ነቒልኩም ስዐብዎ" (ኢያሱ 3፡3) ተባሂሉ ከም ዝተጻሕፈ፡ ታቦት ኪዳን እግዚአብሔር ናብ መንበሩ ንምእታው ኪንተግህ እግዚአብሔር ይሓግዘና።

ኣብ መወዳእታ ከነተሓሳስቦ ንደሊ ድማ ታቦት ዝመጸሉ ዋና ምኽንያት፡ ምስጢራተ ቤተ ክርስቲያን ንምምላእ ስለ ዝኾነ፡ ኣብ'ዚ ተጠቒሱ ዘሎ ዕለት ካብ ንግሆ ሰዓት 6፡00 ብጸሎት ጀሚሩ ስርዓተ ቅዳሴ ውን ተሰሪዑ ከም ዘሎ እናኣዘኻኸርና፡ ምስጢራተ ቤተ ክርስቲያን ማለት ጥምቀት ቅዱስ ቁርባን ተኽሊልን ካልኦት ምስጢራትን ንምስታፍ ዘድሊ ምቅርራባት ጌርና ኪንመጽእ ነተሓሳስብ።

  

ቦታ ካብ Centraal ብእግሪ ናይ10 ደቒቕ Straat fazantlaan17

ሰበኻ ጉባኤ ኣይንድሆቨን

ወስብሐት ለእግዚአብሔር