ምትረተ ዮሐንስ (ብቅዱሰ ዮሕንስ አፈወርቅ)

ዚተፈተኹም ደቀይ! ንወለተ ሄሮድያዳን ከምኡ ‘ውን ኣብ’ዚ ዘመን እዚ ንዓኣ ንዚመስሉ ኵላቶምን ንብከየሎም። ከምዚ ዓይነት ዲያብሎሳዊ ተግባር ሕጂ ‘ውን ብዚገደደን ብዚበኣሰን መልክዑ ይፍጸም ስለ ዘሎ፡ ንወለተ ሄሮድያዳን ወለተ ሄሮድያዳውያንን ንብከየሎም። ዋላ እኳ ኣብ’ዚ ዘመን’ዚ ዮሐንስ ክሳዱ እንተዘይተሰይፈ፡ ካብዚ ብዝገደደ መልክዑ ግና ናይ ክርስቶስ ህዋሳት ይስየፉ ኣለዉ። ኣብ ልዕሊ ደረፍቲ ዚሓደረ ርኹስ መንፈስ ከም ናይ ጓል ሄሮድያዳ ሥጋዊ ክሳድ ዘይኮነስ ነፍሲ እዩ ዚሓትት። ደረፍቲ ብመጀመርያ ንሰባት ናታቶም ባሮት ወይ ከኣ ኣድነቕቲ ይገብርዎም። ብምቕጻል ድማ ብደርፍታቶም ጌሮም ነፍሳት ብፍትወት ከም ዚቃጸላ ይገብርወን። ዝሙት ንኽፍጽሙ ድማ የበረታትዕዎም። እቶም ባሮት ወይ ድማ ኣድነቕቲ በዚ ተግባሮም እዚ ሥጋዊ ክሳዶም ኣይኮኑን ዚሕተቱ፡ እንታይ ድኣ ንነፍሳቶም ግዲ ዘይብሎም ሸለልተኛታት ኣመንዝራታት ብምዃን ናይ ነፍሶም ክሳድ እዮም ዚሕተቱ። ዚተፈተኹም ኣሕዋተይ! ወይኒ ሰቲኹም ሰኺርኩም እንከለኹም፡ ሓንቲ ጽብቕቲ ጓል ኣብ ቅድሜኹም መጺኣ ምስ ትስዕስዕ፡ ከምኡ ‘ውን ንዓኹም ብዚድልል ናይ ቅብጥሮት ቃላት ምስ እትዛረበኩም “ዋላ ሓደ ዓይነት ፍትወት ኣይለዓለናን እዩ። ምስኣ ዝሙት ንምፍጻም ‘ውን ኣይንሓስቦን ኢና። ክብረ ንጽህናና ኣይነርክስን ኢና” እናበልኩም ፈጺምኩም ርእስኹም ኣይተታልሉ። ዲያብሎስ ብኣምሳል ደራፊትን ሳዕሳዒትን ኣብ ቅድሜኹም ዚቖመ፡ ነቲ ናይ ክርስቶስ ኣካላት ዝኾነ ሥጋኹም ኣካል ናይ ኣመንዝራታት ንምግባር ከም ዚኾነ ፍለጡን ተረድኡን። (1ይ ቆሮ 6፡15) ዋላ እኳ ጓል ሄሮድያዳ ሎሚ ብኣካለ ሥጋ እንተዘይሃለወት፡ ንዓኣ ዘሳዕስዓ ዲያብሎስ ግን ኣሎ። ሕጂ ‘ውን ንብዙሓት እናሳዕስዑ ክሳደ ነፍሶም ከም ዚቑረጹ ዚገብር ዘሎ ንሱ ስለ ዚኾነ ፈጺምኩም ርእስኹም ኣይተታልሉ።

 ዝኸበርኩም ኣንበብቲ ሰማዕትነት ኣይምልጥኩምን ካልኦትን ካብ ትብል ሓዳሽ መጽሓፍ ወሲደ ንሓድሽ ዓመትን ነዚ ክቡር በዓል ምትረተ ርእሱ ናይ ዮሕንስን ዝምልከት ከቕርበልኩም ዝጸናሕኩ ኣብ`ዚ ተወዲኡ ኣሎ። ኣነ ማዕጾ ክፊተልኩም ኣለኹ ኣብ ውሽጢ ኣቲኹም ምስ እዚ ቅዱስ ኣቦ ብመንፈስ ኪትሕንብሱ ምስ ትድልዩ ግና ነቲ ዚተረፈ ክፋላት ባዕልኹም ከተንብብዎ ኪገድፈኩም እየ። ኣነ ድማ ብጠልብኩም መሰረት ነታ ብሓጺር ጥራይ ቀሪባ ዘላ ታሪኽ ሕይወት ናይ ቅዱስ ኣቦና ዮሕንስ ኣፈውርቅ ኣስፊሐ ከም ጽኣልኩም ኪፍትን እየ ብጸሎትኩም ድግፉኒ። ሓፈሻዊ ትሕዝቶ ናይታ መጽሓፍ ነዚ ዝስዕብ ይመስል። 

ናይ ቅዱስ ዮሐንስ ኣፈወርቅ ሓጺር ዜና መዋእል

† ክፍሊ ሓደ †

ሓድሽ ዓመት

ምትረተ ዮሐንስ

ናይ ትዕቢት መጀመርያ…(ሲራ 10፡12)

ውዳሴ ከንቱ ናይ ምድላይ መዘዝ

ፍሉይ ቤት ፍርዲ

ንሕና ባዕልና ንነብስና ናይ ምንታይ ምኽንያታት ኢና?

ዓቢይ ምዃን ምስ እትደልዩ…

ናይ ሕልና ዳኛ

† ካልኣይ ክፋል †

ሓቀኛ ሓጎስ ዶ ትደልዩ ኢኹም?

ዋላ ሓደ ዳሕረዋይ እየ ኢሉ ተስፋ ኣይቑረጽ

ስለ ኵሉ ነገር ክብሪ ንእግዚኣብሔር ይኹን!

ክዳን መርዓ

ነቲ ኣረጊት ሰብነት እለይዎ

ምንጻል ጥንሲ

† ሣልሳይ ክፋል †

ጾም

ድራር ፍቕሪ

ንሰብ ዘይኮነስ ንእግዚኣብሔር ምሕጓስ

ንዲያብሎስ ከመይ ጌርና ኢና ንስዕሮ?

ንሕና እንተዘይፈቒድናሉ ሰይጣን...

ቤት ኣቦኺ ረስዒ

ምጽዋት

ሰማዕትነት ኣየምልጥኩም

ንወለዲ ዝተዋህበ ምኽሪ

ንሓውኹም ምድፋእ ዘይኮነስ…

ናብ’ቲ ናይ ዕረፍቲ ቦታ ንምእታው ንትጋህ

ሰብ ምስ ሞተና እንታይ ንግበር?

መምህር ! ንስኻ ወዲ እግዚኣብሔር ኢኻ

ናይ ትሕትና ነገር ካብ መን ንመሃር?

መንፈስ ኣይተጥፍኡ

ጐይታና ብምንታይና ይድነቕ ይኸውን?

እንታይ ፍረ ኣፍሪና?

ቅንኣት ካብ ልብና ነቒልና ናይ ፍቕሪ ፈልሲ ንትከል

ክንደይ ንኸውን?

ነገሥታት ካህናትን ነብያትን ኴንና ተሼምና ኢና

ምጅማር ዘይኮነስ…

ኪስዕበኒ ዝደሊ

ንህቢ መዓስ እያ ትመውት?

እግዚኣብሔር ምምስጋን ከመይ?

ኣብዚሕና መታን ኪንዓጽድ ኣብዚሕና ንዝራእ

ዚተቐደሱ ኣእዳው ኣልዕሉ

ካባኻትኩም ዝድለ...

ናይ ፍቕረ ንዋይ መዘዝ

ናይ ይሁዳ ጣዕሳ

ሞትካ ንነግር

ኦ ሞት ኣበይ ኣሎ መውግኢኻ?

† ራብዓይ ክፋል †

ኣንቱም እትደኽሙ

ናይ ኣብዚሕካ ምብላዕ ጣጣ

ናትና ኣልኣዛር ከ መን ይኸውን?

ቅኑዕ ፍርዲ ፍረዱ

ኳሕኵሑ

ከንቱ ግዜ

ሕራይ እንተበልኩም…

ኵሉ ነገር ንጽቡቕ ከም ዝኸውን ንፈልጥ ኢና

ሓቀኛ መጋየጺ

ሽዑ

ንሓውኻ ኣይትንዓቆ

መወከሲ ድርሳናት